Paano Maiiwasan ang Paglalagas ng Buhok?

Ano ang paglalagas ng buhok at bakit nangyayari ito?

Normal ang kaunting hair fall araw-araw, pero ang pagnipis at sobrang paglalagas ng buhok ay senyales na ng hair loss.

Normal ang hair fall. Sa isang araw, madalas mga 50-100 hibla ang nalalagas bilang bahagi ng natural growth cycle ng buhok.

Kung mas mataas dito ang nawawalang buhok, hindi na napapalitan ng bagong tubo, o may kapansin-pansing pagnipis, hindi na ito normal at maaaring senyales ito ng hair loss.¹

Ang pansamantalang paglagas ng buhok ay maaaring dulot ng stress, lagnat, o physical strain, at kadalasang humihinto habang gumagaling ang katawan.

Samantalang ang patterned na pagnipis—gaya ng pag-atras ng hairline o pagnipis sa tuktok ng anit—ay karaniwang may kinalaman sa male pattern baldness, hormonal imbalance, o kakulangan sa nutrisyon.¹

Kapag hindi bumabalik ang dating kapal ng buhok sa loob ng ilang linggo o buwan, mahalagang alamin ang ugat ng problema upang maagapan ito nang tama gamit ang mga gamot sa paglalagas ng buhok.

‍

Karaniwang sanhi at dahilan ng paglalagas ng buhok

Male pattern baldness o androgenetic alopecia ang pinaka-karaniwang sanhi ng pagnipis ng buhok sa mga lalaki.

Ano ang alopecia? Ang male pattern baldness (androgenetic alopecia) ay isang namamanang kondisyon na madalas lumalabas sa 20s o 30s, pero maaari ring maranasan ng mga teenager.²

Kadalasan, nagsisimula ito sa pag-atras ng hairline at pagnipis ng buhok sa tuktok ng ulo. Sanhi ito ng sensitivity ng hair follicles sa DHT—isang byproduct ng testosterone—na nagpapaliit sa mga ugat ng buhok hanggang sa huminto ang pagtubo.³

Kung may lahi ng pagkakalbo sa pamilya, mas mataas ang posibilidad na maranasan mo ito. Pero kung mas maaga itong ma aksyunan, mas epektibong mapipigilan ang paglala.

Mataas na stress at hormonal imbalance ay maaaring magpalala ng hairfall.

Ang chronic stress ay maaaring magdulot ng telogen effluvium, isang kondisyon kung saan sabay-sabay na pumapasok sa resting phase ang maraming hair follicles.² Madalas itong resulta ng physical o emotional strain.

Kasama rin dito ang hormonal imbalance, gaya ng mababang thyroid function o hindi balanseng testosterone. Kapag naapektuhan ang hormones, humihina ang signals na kailangan para manatili sa growth phase ang buhok.

Ang kakulangan sa protein, iron, at biotin ay nagpapahina sa buhok.

Ang buhok ay gawa sa keratin, isang uri ng protein. Kaya kung kulang ang protein intake, nagiging marupok ang buhok at mas madaling malagas.

Kapag kulang ka sa iron, humihina ang blood flow papunta sa hair follicles, habang ang kakulangan sa biotin ay nakakaapekto sa cell regeneration—kabilang na ang pagtubo ng bagong buhok.⁴

Kapag hindi sapat ang nutrisyon, humihina ang ugat at nababawasan ang kakayahan ng buhok na manatili sa anit.

Ilang gamot ay maaaring magdulot ng paglalagas ng buhok bilang side effect.

Ano ang dahilan ng paglalagas ng buhok​? May ilang uri ng gamot na may posibilidad mag-trigger ng hair loss,⁵ tulad ng:

• Maintenance meds para sa high blood pressure o cholesterol
• Antidepressants o mood stabilizers
• Hormone-related treatments

Hindi ito dahilan para basta itigil ang iniinom na gamot, pero kung mapapansin mong nagsimula ang hairfall kasabay ng bagong maintenance, mas mainam itong ipagbigay-alam sa doktor.

Mga epektibong paraan para maiwasan ang paglalagas ng buhok

Kapag alam mo na ang posibleng sanhi ng pagnipis, mas madali nang kumilos. Narito ang mga epektibong paraan para suportahan ang buhok mo:

1. Healthy diet at supplements

Ang buhok ay nangangailangan ng tamang nutrients para manatiling malusog at matibay.⁶ Isama sa diet ang:

• Protein – Mahalaga sa pagbubuo ng keratin
• Iron – Tinutulungan ang blood flow papunta sa follicles
• Biotin – Tumutulong sa cell growth
• Zinc – Pinapantay ang oil production sa anit
• Omega-3 at Vitamin D – Suporta sa hydration at follicle activation

2. Stress management

Ang matagal na stress ay pwedeng magpahinto ng pagtubo ng buhok. Nakakasira ito sa hormone balance at nagpapataas ng cortisol. Para ma-manage ito:

• Mag-ehersisyo regularly.
• Siguraduhin ang 7–9 oras na tulog.
• Gumamit ng relaxation methods gaya ng deep breathing at digital detox.

3. Tamang hair care at scalp massage

Iwasan ang mainit na tubig, marahas na pagpupunas, at pagsusuklay habang basa ang buhok—ito ang mga small habits na nagpapalala ng pagnipis.

Gumamit ng mild, sulfate-free shampoo at banlawan nang maayos ang anumang product buildup. Gawin ring habit ang regular scalp massage—pinapaganda nito ang blood flow at nagbibigay ng mas maraming nutrients sa hair follicles.

Ano ang gamot sa paglalagas ng buhok​?

• Minoxidil

Uri ng gamot: Topical spray o solusyon
Para kanino: Mga lalaking may unti-unting pagnipis sa tuktok ng anit (crown area)
Paano ito tumutulong: Pinapalawak ang blood vessels sa anit para mas dumaloy ang oxygen at nutrients sa hair follicles—tumutulong ito sa pagtubo ng bagong buhok.⁷

Ano ang aasahan:

• Gamitin 2x araw-araw
• Epekto: karaniwang makikita sa loob ng 3–6 buwan
• Ligtas sa karamihan ng lalaki, lalo na kung consistent ang paggamit
• Hindi hormonal, kaya hindi nakakaapekto sa ibang parte ng katawan
  
  

• Finasteride

Uri ng gamot: Iniinom na tableta
Para kanino: Mga lalaking may receding hairline o male pattern baldness
Paano ito tumutulong: Pinipigilan ang pagtaas ng DHT—ang hormone na nagpapahina sa hair follicles. Kapag nabawasan ang DHT, bumabagal ang pagnipis at maaaring manumbalik ang kapal ng buhok.⁸

Ano ang aasahan:

• 1 Finasteride tablet araw-araw
• Epekto: kadalasang lumalabas sa loob ng 3–6 buwan
• Kailangang tuloy-tuloy ang paggamit
• Hindi ito para sa kababaihan, lalo na sa buntis
  
  

• Finoxidil Capsules

Uri ng gamot: Oral capsule na pinagsama ang Minoxidil at Finasteride Atepros
Para kanino: Mga lalaking gusto ng simpleng regimen pero full-strength ang epekto
Paano ito tumutulong: Kombinasyon ng dalawang proven treatments—sabay nitong tinatarget ang hormone (DHT) at sinusuportahan ang blood flow sa anit.

Ano ang aasahan:

• 1 Finoxidil capsule araw-araw 
• Hindi na kailangan ng hiwalay na topical o spray
• Mas madali isama sa daily routine, lalo na kung busy
  
  

Paalala:

Ang key sa magandang long-term results ng hair treatments ay consistency. Hindi ito instant na solusyon—karaniwang lumalabas ang epekto matapos ang ilang buwang tuloy-tuloy na paggamit.

Kung makaranas ka ng konting paglalagas sa simula, huwag mabahala. Natural ito habang naga-adjust ang hair cycle.

Mas mainam ding samahan ng healthy diet, stress management, at tamang hair care para mas suportado ang epekto ng treatment—dahil mas malakas ang resulta kapag pinagsama ang gamot at lifestyle changes.

Kailan kailangan magpakonsulta sa doktor o specialist?

Kung ilang linggo mo nang sinusubukan ang diet, vitamins, at tamang hair care pero walang pagbabago—baka hindi na sapat ang home remedies. 

Kung may patches ng paglalagas o may kasamang sintomas gaya ng pangangati o pamumula ng anit, kailangan mo na ng tulong galing sa mga eksperto gaya ng GoRocky.

Sa GoRocky, hindi mo na kailangang hulaan kung anong gamot ang bagay sa’yo. Sagutan mo lang ang online form, at isang doktor ang magrerekomenda ng treatment na bagay sa lagay ng buhok mo.

Kapag may reseta kana, maari ka nang magpa-deliver ng gamot tulad ng Finasteride — ito ay ginagamit ng libu-libong lalaki para pigilan ang pagnipis at patubuin ulit ang buhok. Discreet ang packaging, mabilis ang delivery, at walang hassle.

Kung gusto mong tulungan ang sarili mong ibalik ang kapal ng buhok mo—simulan mo na ngayon.

‍

Frequently Asked Questions 

Why is my hair shedding so much?

Normal ang malagas ang 50–100 hibla ng buhok kada araw. 

Pero kung mas marami rito ang nalalagas, may pattern ng pagnipis, o walang bagong tubo, posibleng may male pattern baldness, hormonal imbalance, o nutrient deficiency ka. Mas mabuting magpakonsulta sa GoRocky habang maaga pa.

What is the best natural way to stop hair loss?

Para maiwasan ang hair loss, alamin ang paglalagas ng buhok sanhi at lunas. Kumain ng masustansyang pagkain tulad ng itlog, mani, at leafy greens. 

Suportahan ito ng biotin, zinc, at iba pang supplements. I-manage ang stress, gumamit ng mild shampoo, at regular na i-massage ang anit para sa mas maayos na blood flow.

Can stress cause you to lose your hair?

Oo. Ang mataas na stress ay maaaring magdulot ng telogen effluvium—isang kondisyon kung saan maraming buhok ang sabay-sabay nalalagas. Pwede itong tumagal ng ilang buwan kung hindi na-manage agad. 

‍

About GoRocky

Ang GoRocky ay isang health platform para sa kalalakihan—discreet, abot-kaya, at 100% online. 

Ginagawa naming mas madali ang pag-aalaga sa sarili sa pamamagitan ng mga subok at epektibong solusyon para sa mga isyung gaya ng erectile dysfunction, diabetes, at pagpapapayat.

Simple lang ang proseso: sagutan ang form, kumonsulta sa lisensyadong doktor, at ipapadala namin ang gamot diretso sa’yo—walang pila, walang hassle. Naniniwala kami na ang pag-aalaga sa sarili ay dapat normal lang at walang stigma. 

Nandito kami para suportahan ka—mula sa mental health hanggang chronic care tulad ng diabetes management. Para sa karagdagang katanungan, maaari mong i-contact ang aming friendly customer support team sa support@gorocky.ph o sa +63 966 952 8623. 

‍

*Ang impormasyong ibinigay sa platform na ito ay para sa mga layuning pang-edukasyon lamang at hindi kapalit ng propesyonal na payo, pagsusuri, o paggamot mula sa mga medikal na eksperto. Palaging kumonsulta sa iyong doktor o ibang kwalipikadong tagapangalaga ng kalusugan para sa anumang katanungan na maaaring mayroon ka tungkol sa isang medikal na kondisyon.