Sintomas ng Cervical Cancer na Dapat Mong Bantayan

Ano ang Cervical Cancer at Paano Ito Nagsisimula

Cancer ito sa cervix na kadalasang galing sa HPV at madalas di agad napapansin.

Ang cervical cancer ay isang uri ng cancer na nagsisimula sa cervix, ang lower part ng matres na konektado sa puwerta (vaginal opening).¹

Karaniwang sanhi nito ang Human Papillomavirus (HPV), ang virus na madalas pinagmumulan o kung saan nakukuha ang cervical cancer, dahil naipapasa ito sa pamamagitan ng sexual contact.

Kapag hindi agad natatanggal ng katawan ang virus, maaari itong magdulot ng abnormal changes sa mga cells ng cervix na pwedeng mauwi sa cancer.

Mas mataas ang risk kung naninigarilyo, mahina ang immune system, o may family history ng cancer.

Minsan napagkakamalan lang itong cervical infection dahil pareho silang may abnormal vaginal discharge o pananakit sa ari, pero ang cancer ay hindi basta-basta nawawala sa simpleng gamot lang.

Kailangan ito ng tamang diagnosis at gabay ng doktor para masuri kung may pagbabago sa cervix o may sintomas ng cervical cancer.

Mga Sintomas ng Cervical Cancer 

Sa early stages, ang cervical cancer ay kadalasan tahimik lang, walang nararamdaman o nakikitang kakaiba. Pero habang tumatagal, nagsisimulang magpakita ng mga pagbabago sa katawan.

Ano ang sintomas ng cervical cancer​ na dapat bantayan?

1. Pagdurugo sa pagitan ng regla o pagkatapos makipagtalik. Isa ito sa pinaka-common na early warning signs na hindi dapat balewalain.²
   
   
2. Vaginal discharge na may kakaibang kulay o amoy. Kapag watery, thick, o may halong dugo, pwedeng may pagbabago sa cervix.
   
   
3. Pananakit sa puson, balakang, o likod. Lalo na kung pabalik-balik at walang malinaw na dahilan.
   
   
4. Pagdurugo pagkatapos ng menopause. Kahit kaunting spotting, kailangan nang ipatingin sa doktor o OB-GYN.
   
   
5. Mga pagbabago sa cycle o pakiramdam sa may ibabang bahagi ng tiyan. Kung may hindi pangkaraniwan o iba sa usual mong nararanasan, huwag ipagwalang-bahala.

Ang mga sintomas ng cervical cancer minsan simple lang sa simula, pero kapag tuloy-tuloy o lumalala, mas mabuting magpatingin habang maaga pa.

‍

Mga Paraan Para Agapan at Maiwasan ang Cervical Cancer

Ang konsultasyon sa doktor ay hindi lang para sa may nararamdaman na sintomas ng cervical cancer, to rin ang unang hakbang sa pag-iwas sa mas seryosong kondisyon. 

Kapag may abnormal bleeding, kakaibang vaginal discharge, o pananakit sa puson, balakang, o likod na hindi nawawala kahit may gamot o pahinga, magpa-check up agad sa doktor para makasigurado.

Mga hakbang para makaiwas sa cervical cancer:

1. Magpa-HPV test regularly. Ito ang pinaka-epektibong paraan para ma-detect nang maaga kung may pagbabago sa cervix.³
2. Magpabakuna laban sa HPV. Pinakamainam ito, lalo na para sa mga sexually active.
3. Iwasan ang paninigarilyo. Nakakaapekto ito sa immune system at nagpapabilis ng cell damage sa cervix.
4. Panatilihin ang safe sexual practices. Limitahan ang number of partners at gumamit ng protection.
5. Alagaan ang immune system. Kumain ng tama, magpahinga nang sapat, at i-manage ang stress.

Ang mga simpleng hakbang na ito, kapag ginagawa nang consistent, ay malaking tulong para maagapan at maiwasan ang cervical cancer habang maaga pa.

Alamin Kung Kailangan Mo ng HPV Vaccine

Ang HPV vaccine ay nakakatulong para makaiwas sa cervical cancer. Sa GoRocky’s online medical assessment, malalaman mo kung ikaw ay eligible at kung kailan ito ligtas para sa’yo.

Sagutan lang ang quick assessment at licensed doctors ang magbibigay ng tamang gabay. Lahat ay discreet, online, at mabilis — walang clinic visits o awkward questions.

Sagutan ang iyong assessment ngayon!

‍

Frequently Asked Questions 

Ano ang dahilan ng gasgas sa cervix?

Ang “gasgas sa cervix” ay madalas dulot ng friction o irritation mula sa pakikipagtalik, paggamit ng tampon, o infection. 

Minsan, may kasamang ‘cervical cancer bleeding’ o kakaibang discharge kung may mas malalim na dahilan tulad ng inflammation. Kapag paulit-ulit o may pananakit, magpatingin sa OB-GYN para masuri kung irritation lang o may ibang kondisyon sa cervix.

Ano ang gamot sa cervical cancer​?

Ang gamot sa cervical cancer ay nakadepende sa stage at kalagayan ng pasyente. Kapag malala na ang ‘cervical cancer sintomas’, pwedeng irekomenda ng doktor ang surgery, radiation, o chemotherapy. 

Para naman sa early stage, malaking tulong ang regular Pap smear at HPV test para madetect at magamot habang maaga pa.

Ano ang pagkakaiba ng cervical cancer sa cervical infection?

Ang cervical infection ay dulot ng bacteria o fungi at kadalasang may sintomas ng cervical infection tulad ng discharge o pangangati. 

Samantalang ang cervical cancer ay nagmumula sa abnormal cell growth sa cervix na hindi nawawala kahit gamutin. Kapag paulit-ulit ang discharge o may pagdurugo, magandang magpatingin agad sa doktor para makasigurado.

‍

About GoRocky

At GoRocky, we’re changing the way men approach their health, making care more discreet, affordable, and accessible. Our mission is simple: to help men take charge of their well-being without stigma or judgment.

We started by addressing erectile dysfunction, and today we’re expanding into hair loss and weight management, building a future where men feel confident and cared for.

GoRocky also provides educational resources on key topics like the HPV vaccine for men, Gardasil 9, and condyloma acuminatum (genital warts), empowering men to stay informed and proactive about their health.

Kung may tanong ka tungkol sa sexual wellness o treatments, available ang support team namin sa support@gorocky.ph o sa +63 966 952 8623 anumang oras.‍

‍

*Ang impormasyong ibinigay sa platform na ito ay para sa mga layuning pang-edukasyon lamang at hindi kapalit ng propesyonal na payo, pagsusuri, o paggamot mula sa mga medikal na eksperto. Palaging kumonsulta sa iyong doktor o ibang kwalipikadong tagapangalaga ng kalusugan para sa anumang katanungan na maaaring mayroon ka tungkol sa isang medikal na kondisyon.